Monday 24 February 2020

കാലങ്ങൾക്കപ്പുറത്തെ കടൽ


ഇനിയെത്ര രാവിൻ
ഇരുൾപേറി നീയെൻ
കറുത്ത സ്വപ്നങ്ങൾക്ക്
കൂട്ടിരിക്കും..
കണ്ണിമ ചിമ്മാതെൻ
വാക്കിൻ വരമ്പത്ത്
ഇനിയെത്ര നാള് നീ
കാത്തു നിൽക്കും..?

ഇനിയീ കനവിന്റെയോരത്തു
വന്നിരുന്നെത്ര കാലങ്ങളിൽ
മഷി പടർത്തും..
ഇനിയെത്ര വരിയായി
ഈ മിഴിത്തുമ്പിൽ നീ
ഓർമ്മതൻ മണിമുത്ത്
കോർക്കും.

ഇനിയെത്ര യാത്രാ
മൊഴികൾക്ക് സാക്ഷിയായ്
കനൽ പോലെ നീ നിന്നു നീറും..
ഇനിയെത്ര നോവിന്റെ
നിഴൽവീണ വഴികളായ്
ഇനിയും നിൻ രാമിഴികൾ
നീളും...

ഇനിയെത്ര കാതം
മുറിച്ചെടുത്തെത്തി നീ
എൻ ആത്മാവിന്നലകളായ് മാറും..
ഇനിയെന്ന് ഞാൻ
നീയെന്നരികിലുണ്ടെന്നോർത്തിട്ട്
കടൽകണ്ട കുട്ടിയെപ്പോലെയാവും..















No comments:

Post a Comment

പിന്നെ,

 1. 'പിന്നെ'യെന്നത് ഒരു മുറിവരയാണ്. അറ്റവും തലയുമില്ലാതെ പോകുന്ന  വർത്തമാനങ്ങളെ കൂട്ടി വായിക്കാൻ ഒരടയാളം വയ്ക്കലാണ് 2. 'പിന്നെ&#...