പേരിൽ
എണ്ണിയെടുക്കുന്ന
സാധ്യതകൾ..
ശരീരഭാഷയിൽ,
വാക്കിൻ വലിപ്പത്തിൽ
വായിച്ചെടുക്കുന്ന
സാമ്യതകൾ..
സ്വപ്നങ്ങളുടെ താളക്രമങ്ങളെ
അടുക്കി വച്ചിട്ട്
സൂചനകൾ കണ്ടെത്തുന്ന
കുസൃതികൾ.. കൗതുകങ്ങൾ..
വെറുതെയൊരു പേരിൽ
നിന്നുപോലും
നിന്നിൽ ഞാൻ കണ്ടെടുക്കുന്ന
ശിവാംശങ്ങൾ !
നീയറിയുന്നുവോ
പ്രണയം പ്രാർത്ഥന പോലെ
നിന്നെ പൊതിയുന്നത്...
മനസ്സ്
കൂവളത്തിന്നിലപോലെ
നിന്നിലേക്ക് പൊഴിഞ്ഞു
വീഴുന്നത്..?
ഉൾത്തുടികളെ
നീ വായിച്ചെടുക്കുമെന്നും..
നിലാപ്പൂവുപോലെ
ഒരിക്കൽ നീയെന്നെ
മുടിയിൽ ചൂടുമെന്നും
സ്വപ്നം കാണുന്നത്..
നിനക്കെന്തറിയാം,
ഓരോ ശ്വാസവും
ശിവമയമാകുന്ന
നേരങ്ങളെ കുറിച്ച്..
പ്രണയത്താൽ
പവിത്രമാവുന്ന
പ്രാണനെ കുറിച്ച്..
മനസ്സ് കൊണ്ട് പോലും
നിന്റെ മറുപാതിയാവുന്ന
പെണ്ണിനെ കുറിച്ച്..
No comments:
Post a Comment