Saturday 8 February 2014

പരിഭവം

പരിഭവമുണ്ടെനിക്കെന്നോടു തന്നെ
പരിത്യജിക്കാൻ മടിച്ചും
നിത്യഹരിതമായെന്നിലുണരും
വർണ്ണസ്വപ്നങ്ങളോടും.
പരിഭവമുണ്ടെനിക്കകലാൻ കൊതിക്കു-
മോരോ ഹൃദയങ്ങളോടും
നിരർത്ഥകമായ നിൻ മൌനത്തോടും .
പരിഭവമാണെനിക്കു നിൻ
ചുവന്ന കണ്ണിനോടും പിന്നെ
വിടപറയാനൊരുങ്ങുമാധരങ്ങളോടും.
പരിഭവമുണ്ടെനിക്കിന്നിനോട്
പാടെ ദ്രവിച്ചയിന്നലയോടും.
പാഴാകുന്നൊരെൻ നാളെയോടും.
പരിഭവമാണെനിക്കരികിൽ
വീണടിയുന്ന പ്രാണനോട്.
ജീവിതം പാഴമരച്ചില്ലത്തന്നൂയലിൽ
കോർത്തു മടങ്ങുമാകൈകളോടും.
പരിഭവമാണെനിക്ക് നിന്നോർമ്മയോടും
പരാജയത്തിൻ ചവർപ്പെൻ
രസനയിലാദ്യമായിറ്റിച്ച വാക്കിനോടും...








പിന്നെ,

 1. 'പിന്നെ'യെന്നത് ഒരു മുറിവരയാണ്. അറ്റവും തലയുമില്ലാതെ പോകുന്ന  വർത്തമാനങ്ങളെ കൂട്ടി വായിക്കാൻ ഒരടയാളം വയ്ക്കലാണ് 2. 'പിന്നെ&#...