മറുപടിയാവണ്ട
മറു ചോദ്യം ചോദിക്കണ്ട
കേട്ടത് കേട്ടതായി പോലും
ഭാവിക്കണ്ട..
പരിഭവിക്കണ്ട
എന്തിന്
ഒരു ചെറു ചിരി പോലും
ചുണ്ടിൽ കരുതണ്ട...
വെറുതെ,
വെറുതെയെങ്കിലും
ഒരു ചെവി ആവുക...
ഉള്ള് പിടഞ്ഞു വീഴുന്ന
വർത്തമാനങ്ങൾക്ക്
ഇത്തിരി നേരമെങ്കിലും
കൂട്ടിരിക്കുക...
-
നിനക്കെന്തറിയാം ഒഴുക്ക് നിലച്ചുപോയ മനസ്സുകളെക്കുറിച്ച്... വെറുതെ കടലിരമ്പങ്ങൾക്ക് കാതോർക്കുന്ന തടാകങ്ങളെക്കുറിച്ച്... നിനക്കെന്തറ... -
എന്റെ മൗനം... നിനക്കുനേരെ കൊട്ടിയടക്കപ്പെട്ട വാതിലാണ്.. പിൻവിളിക്കുള്ള വിദൂരസാധ്യത പോലുമില്ലാത്ത, മടക്കയാത്രക്കുള്ള അനുവാദമാണ്...
-
എന്നിരുന്നാലും, ആകാശത്തിന്റെ ഒത്ത നടുക്ക് ലോകം മുഴുവൻ വായിക്കുമെന്നറിഞ്ഞു കൊണ്ട് തന്നെ അയാൾ മരണത്തെ കുറിച്ചുള്ള കവിതകൾ എഴുതി വച്ച...
No comments:
Post a Comment