ചിലപ്പോൾ തോന്നും ഉള്ളിലൊളിചിരിക്കുന്ന

പേടികളാണ്

ശ്വാസഗതിയെ

നിയന്ത്രിക്കുന്നതെന്ന്..

ആവശ്യമില്ലാത്തൊരാവലാതിയാണ്

നിമിഷങ്ങളെ

നീട്ടിക്കൊണ്ട് പോകുന്നതെന്നും...

നെഞ്ചിലൊരു കരച്ചിൽ

വെറുതെ വന്നിരുന്ന്

ചിറകിട്ടടിക്കുന്നുണ്ട്...

ഇല്ലാത്ത കാരണങ്ങളെ ചൊല്ലിയാരോ

മനസ്സിലിരുന്ന് കയർക്കുന്നുമുണ്ട്...

പൊരിവെയിലിൽ നിന്ന്

കയറി വന്നിട്ടെന്നപോലെ

ഈ വെളിച്ചത്തിലും

ഞാൻ നിന്നു പരതുകയാണ്...

എന്നെ തിരയുകയാണ്...