Thursday 16 March 2017

നീലവിരലുകൾ

സ്വപ്നങ്ങൾ നഷ്ടപ്പെട്ടവരുടെ
കണ്ണുകൾ കണ്ടിട്ടുണ്ടോ...
രക്തയോട്ടമില്ലാതെ
വിളറിവെളുത്ത കണ്ണുകൾ...?
നനവൊട്ടുമുണ്ടാവില്ല അതിന്..
ചിന്തകൾ പോലും
അടിയറവു വച്ചവരുടെ
വിരലുകൾ കണ്ടിട്ടുണ്ടോ...?
ഒഴുകാനാവാതെ
മഷിയുറഞ്ഞു പോയ
നീല വിരൽത്തുമ്പുകൾ
ഉണ്ടാവും അവർക്ക്...
എന്നിട്ടും ,
ഭ്രാന്തു പൂക്കുന്നനേരങ്ങളിൽ
അവർ വെറുതെ മൂളുന്ന
വരികളിൽ നിന്നും
മനസ്സൊഴുകാറുണ്ട്...
ജീവന്‍റെ പിടച്ചിലുള്ള
കവിത പിറക്കാറുമുണ്ട്...

-

3 comments:

  1. Vishnu Girish21 March 2017 at 18:06

    ജീവിക്കുന്ന കവിതകൾ
    അവർ എഴുതുന്ന ജീവൻ തുളുമ്പുന്ന കവിതകൾ

    ReplyDelete
  2. savana23 April 2017 at 03:03

    മായ്ക്കാന്‍ കഴിയാത്ത സ്വപ്നങ്ങള്‍ക്ക് മരിക്കാന്‍ മടിയുണ്ടായിരിക്കും...

    നല്ല കവിത, അഭിനന്ദനങ്ങള്‍...

    ReplyDelete
  3. Unknown18 May 2017 at 09:12

    ഭ്രാന്ത് പൂക്കുന്ന നേരങ്ങളിൽ അവർ മൂളുന്ന വരികളാവാം അവരുടെ ജീവിതം മുന്നോട്ട് കൊണ്ടുപോകുന്നത്....

    ReplyDelete

Subscribe to: Post Comments (Atom)

 

  • (no title)
    എന്റെ മൗനം... നിനക്കുനേരെ കൊട്ടിയടക്കപ്പെട്ട വാതിലാണ്.. പിൻവിളിക്കുള്ള വിദൂരസാധ്യത പോലുമില്ലാത്ത, മടക്കയാത്രക്കുള്ള അനുവാദമാണ്...
  • മരണത്തെ കുറിച്ചൊരു കവിത വായിച്ചെടുക്കുമ്പോൾ
    എന്നിരുന്നാലും, ആകാശത്തിന്റെ  ഒത്ത നടുക്ക് ലോകം മുഴുവൻ വായിക്കുമെന്നറിഞ്ഞു കൊണ്ട് തന്നെ അയാൾ മരണത്തെ കുറിച്ചുള്ള കവിതകൾ എഴുതി വച്ച...
  • തോറാന
    ഇന്ന് തോറാനയാണെന്ന് അമ്മ പറഞ്ഞാണ് ഞാനും അറിഞ്ഞത്. ഇന്ന് അവധിയാണെന്നും  പേരക്കുട്ടികളിൽ മൂന്നും ഇന്ന് വീട്ടിലുണ്ടാവുമെന്നും. പറയ...