Thursday 16 March 2017

നീലവിരലുകൾ

സ്വപ്നങ്ങൾ നഷ്ടപ്പെട്ടവരുടെ
കണ്ണുകൾ കണ്ടിട്ടുണ്ടോ...
രക്തയോട്ടമില്ലാതെ
വിളറിവെളുത്ത കണ്ണുകൾ...?
നനവൊട്ടുമുണ്ടാവില്ല അതിന്..
ചിന്തകൾ പോലും
അടിയറവു വച്ചവരുടെ
വിരലുകൾ കണ്ടിട്ടുണ്ടോ...?
ഒഴുകാനാവാതെ
മഷിയുറഞ്ഞു പോയ
നീല വിരൽത്തുമ്പുകൾ
ഉണ്ടാവും അവർക്ക്...
എന്നിട്ടും ,
ഭ്രാന്തു പൂക്കുന്നനേരങ്ങളിൽ
അവർ വെറുതെ മൂളുന്ന
വരികളിൽ നിന്നും
മനസ്സൊഴുകാറുണ്ട്...
ജീവന്‍റെ പിടച്ചിലുള്ള
കവിത പിറക്കാറുമുണ്ട്...

3 comments:

  1. ജീവിക്കുന്ന കവിതകൾ
    അവർ എഴുതുന്ന ജീവൻ തുളുമ്പുന്ന കവിതകൾ

    ReplyDelete
  2. മായ്ക്കാന്‍ കഴിയാത്ത സ്വപ്നങ്ങള്‍ക്ക് മരിക്കാന്‍ മടിയുണ്ടായിരിക്കും...

    നല്ല കവിത, അഭിനന്ദനങ്ങള്‍...

    ReplyDelete
  3. ഭ്രാന്ത് പൂക്കുന്ന നേരങ്ങളിൽ അവർ മൂളുന്ന വരികളാവാം അവരുടെ ജീവിതം മുന്നോട്ട് കൊണ്ടുപോകുന്നത്....

    ReplyDelete

പിന്നെ,

 1. 'പിന്നെ'യെന്നത് ഒരു മുറിവരയാണ്. അറ്റവും തലയുമില്ലാതെ പോകുന്ന  വർത്തമാനങ്ങളെ കൂട്ടി വായിക്കാൻ ഒരടയാളം വയ്ക്കലാണ് 2. 'പിന്നെ&#...