നിവേദ്യം

കത്തിയമർന്നു ഭസ്മമായ് തീരുമാ

കർപ്പൂരമെന്നോതാതെ

ഒരുനെയ്ത്തിരിനാളമാ-

യെന്നന്തരംഗത്തിൽ

നീയൊളി വിടർത്തുക...

ചേതനയില്ലാത്ത കാട്ടുപൂവെന്നോതാതെ

ഒരു നൈവേദ്യ പുഷ്പ്പത്തിൻ

നൈർമ്മല്ല്യത്താലെൻ

മാനസ സരസ്സിൽ മരുവുക...

വർണ്ണങ്ങളില്ലാത്ത ചിത്രമെന്നോതാതെ

ഒരു മയിൽ‌പ്പീലിത്തുണ്ടിൻ

ശോഭയാലിന്നുനീയെൻ

സ്വപ്നസാമ്രാജ്യത്തിലെ ചിത്രമാവുക...

നാദങ്ങളില്ലാത്ത ഗാനമേന്നോതാതെ

മയങ്ങുമെൻ മോഹങ്ങളെ

തട്ടിയുണർത്തുന്ന മറ്റൊരു

ശംഖൊലി നാദമായ് മാറുക...

കത്തിയമർന്നു ഭസ്മമായ് തീരുന്ന

കർപ്പൂരമാണെൻറെ  മോഹമെന്നോതാതെ,

വീണ്ടും...

ഒരു നെയ്ത്തിരി നാളമാ-

യെന്നിലെ ജീവൻറെ ജ്വാലയാവുക!