വെളുത്ത തൂവലുകളുള്ള
കുഞ്ഞിച്ചിറക്..
വെള്ളാരം കണ്ണുകൾ...
അവൾ ചിലപ്പോൾ
ദൈവങ്ങളുടെ ഭാഷയിലാവും
സംസാരിക്കുന്നത്...
എത്രയോ കാലമായി
നിന്നോട്
മിണ്ടി മിണ്ടി ശീലമായതുകൊണ്ട്
എനിക്കത് ചിലപ്പോൾ
മനസ്സിലാകുമായിരിക്കും..
അവളെ പാട്ടുപാടി
ഉറക്കുന്നതിനെ കുറിച്ചാണ്
ഞാനിപ്പോൾ ചിന്തിക്കുന്നത്..
മാലാഖമാർ
ഉറങ്ങാറുണ്ടാവുമോ...
തന്നുപോകുമ്പോൾ
നിന്റെ കണ്ണ് ചുവന്നിരുന്നു..
ഏയ്..
ഉറങ്ങാത്തത് കൊണ്ടൊന്നുമാവില്ല..
അതേയ്..
ഞാനവൾക്കിനിയും
പേരിട്ടിട്ടില്ല..
എന്നിരുന്നാലും
കുഞ്ഞു മാലാഖേ എന്ന്
വിളിക്കുമ്പോഴൊക്കെ
അവൾ ചിരിക്കാറുണ്ട്.
എന്തായാലും
നമ്മളന്ന്
കവിത കുറിച്ചത് പോലെയൊന്നുമല്ല...
മാലാഖ കുഞ്ഞിന്റെ
അമ്മയാവുക എന്നത്
അത്ര ചില്ലറക്കാര്യമല്ല..
No comments:
Post a Comment