ഞാൻ വാ തോരാതെ
ഒരു പാട്ടിനെ കുറിച്ച് പറയുന്നു
നീയോ
പകുതിയും നനഞ്ഞ
മഴയെക്കുറിച്ച് വാചാലനാവുന്നു
മിണ്ടിമിണ്ടിയൊരു വേള
നമ്മൾ,
സ്വപ്നങ്ങളെ വച്ചു മാറുന്നു..
പാടാൻ തുടങ്ങുമ്പോഴൊക്കെയും
മഴത്തുള്ളികൾ എന്റെ ചുണ്ടിൽ
മേഘമൽഹാർ എഴുതി വക്കുന്നു..
ഞാൻ
നിന്നെ മാത്രം മൂളുന്ന
ബാംസുരിയാവുന്നു...
മഴ പിന്നെയും
പെയ്യാൻ തുടങ്ങുന്നു..
നമ്മളൊന്നിച്ചൊരു
പാട്ടിൽ നനയുന്നു...
No comments:
Post a Comment