വൈകുന്നേരമോ.. അറിയില്ല,,
ഇവിടെ നേരമവസാനിച്ചിരിക്കുന്നു.
സമയസൂചികളുടെയെല്ലാം
ചലനമറ്റു പോയിരിക്കുന്നു..
രാപകലുകളിവിടെനിന്നാരോ
മായ്ച്ചു കളഞ്ഞിരിക്കുന്നു.
മണ്ണും വിണ്ണും കാറ്റും കടലും
സകല ജീവജാലങ്ങളും
കളഞ്ഞു പോയിരിക്കുന്നു...
ചെറുമയക്കത്തിൽ നിന്നും
ഞാനുണരാൻ പോലും
കാത്തുനിൽക്കാതെ
കാലമെവിടേയ്ക്കോ
വഴിമാറി പോയിരിക്കുന്നു...
സമയത്തിന്റെ
അതിരു മുറിച്ചു കടന്ന്
ലോകവും കൂടെപ്പോയിരിക്കുന്നു...
എങ്കിലും കാലമേ
ഏത് നിമിഷക്കുരുക്കിൽ
കാലുടക്കിയിട്ടാണ്
ഞാൻ മാത്രമിങ്ങനെ
വീണുപോയത്...?
No comments:
Post a Comment